Жүжигчин Н.Ялалт найруулагч С.Баттулгад хатуухан үг хаяглав!

Урлагаас олонд танигдсан үе тэнгийн уран бүтээлчид бол найруулагч С.Баттулга, жүжигчин Н.Ялалт нар.

Нэгэн цагт хамтдаа “Хайрын эрэлд” цувралд хамтран ажиллаж байсан тэд нэгнээ цахим хуудаснаа блок хийсэн гэнэ шүү.

Энэ утгаараа нэгэндээ хэлэх үгээ пост хэлбэрээр оруулдаг болсон бололтой.

Жүжигчин Н.Ялалт өөрийн цахим хуудаснаа “Хvчunдэж уйлуулах гэж зүтгэдэг кино контентоо хэзээ зогсоох вэ “Халзан” Тулгаа?

Чамаас аятайхан юм гарахаа бүр больчихлоо шүү. Муу хэлж байна, атаархаж байна гэж ойлговол ойлгоно биз.

Надаас өөр чамд ингээд хэлчих хүн байхгүй дээ” гэжээ. Мөн тэрбээр “Надад хэний ч оноо хэрэггүй. Найз маань сууриндаа гацчихлаа. Хэлэх гэхээр утсаа авдаггүй. Нүүр номондоо намайг блок хийсэн. Тойрон хүрээлэгч дундаа толгой нь эргэчихээд байна” гэдгээ онцолсон байна.

Найруулагч С.Баттулгын хувьд “Бүтэн амьдрал”, “Эрвээхэйн сүүдэр”, “Амьдралын урт зам” зэрэг утга уянгын киног хийсэн нь жүжигчин Н.Ялалтаас шүүмж сонсоход хүргэсэн бололтой.