“Ард түмний тугч” гэх Б.Баттүшиг: Би бусадтай л адил боломжоо алдсан иргэн!

Өнгөрсөн ням гараг буюу арванхоёрдугаар сарын 04-ий өдрөөс /2022.12.04/ эхлэн нүүрсний хулгайчдын нэрсийг зарлаж, тэдэнд хариуцлага тооцохыг шаардсан болоод мөн үнийн өсөлтийг эсэргүүцсэн иргэд Сүхбаатарын талбай дээр тайван жагсаал зохион байгуулж өнөөдөр ес дэх өдрөө үргэлжилж байгаа билээ.

Энэ үеэр жагсагчид өөрсдийн байр сууриа илэрхийлж тэдний зарим төлөөлөл төрийн төлөөллүүдтэй ч уулзаж, хэлэлцүүлэг зохион байгуулсан. Тэгвэл эл жагсаалын үеэр цахим сүлжээнд “Ард түмний тугч” нэрээр олноо танигдаад буй Б.Баттүшигтэй бид товчхон ярилцлаа. Түүнийг “1990 оны тугчин хүү” хэмээн мэдээлж байсан бөгөөд тэрбээр энэ талаараа “Зурганд ач холбогдол өгөх нь гол зүйл биш. Тэр үеэсээ урагшилсан эсэх нь л чухал” гэдгийг онцолж байв. Мөн намайг хүйтэнд тасралтгүй зогсож тугаа мандуулж байгааг хараад тэвчээртэй гэж байгаа хүмүүст хандаж хэлэхэд та нар л дэндүү тэвчээртэй юм. Тэвчээр нь дэндчихээд дэндсэн тэвчээрэндээ бүгд үхэж үр хүүхдээрээ төлөөс хийж байна гэв.